AQSh va Pokiston rahbariyati Vashington hamda Tehron o‘rtasida bir necha oy davom etgan harbiy to‘qnashuvlarni to‘xtatishga qaratilgan ramkaviy kelishuv imzolanishini prognoz qilmoqda. AQSh prezidenti Donald Trampning aytishicha, kelishuvni imzolash yakshanba kuniga rejalashtirilgan.
Biroq Tehronda voqealarni shoshirmaslikka chaqirishmoqda. Eron Tashqi ishlar vazirligining rasmiy vakili Esmail Bag‘aiy imzolash jarayoni darhol amalga oshishi ehtimoli kamligini, ammo bu yaqin kunlar ichida sodir bo‘lishi mumkinligini ta’kidladi. Eronning Fars agentligi xabardor manbaga tayanib xabar berishicha, ramkaviy kelishuv bo‘yicha yakuniy qaror hali qabul qilinmagan, chunki uning siyosiy, huquqiy va texnik jihatlari ekspertlar darajasida tahlil qilinishi davom etmoqda.
Reuters manbalari keltirgan shartnoma loyihasiga ko‘ra, AQSh Eronning 25 milliard dollar miqdoridagi muzlatilgan aktivlarini ozod qilish majburiyatini oladi. Bunga javoban Tehron yadroviy qurol ishlab chiqarmaslik va sotib olmaslikka rozilik beradi.
Donald Tramp shuningdek, kelishuv imzolanishi bilan Eron strategik ahamiyatga ega bo‘lgan Hurmuz bo‘g‘ozini kemalar harakati uchun to‘liq ochishi shartligini ta’kidladi. Shundan so‘ng AQSh dengiz blokadasini bekor qilishi aytilmoqda.
Diplomatik sa’y-harakatlarga qaramay, mintaqada harbiy harakatlar davom etmoqda. Amerika kuchlari Hurmuz bo‘g‘ozi tomon yo‘naltirilgan bir nechta Eron dronlarini tutib qolgani xabar qilinmoqda.
So‘nggi 140 yildagi eng kuchli El-Nino hodisasi yaqinlashmoqda. Bu butun dunyodagi ob-havoga ta’sir qilishi mumkin
AQShda ham to‘y qilayotganlar aqldan ozmoqda
KXDR AQShning yadroviy quroldan voz kechish chaqirig‘iga javob berdi
