AQSh aholisi Grenlandiyani egallash bo‘yicha qanday fikrda?

CNN so‘roviga ko‘ra, amerikaliklarning 75 foizi Donald Trampning Grenlandiyani anneksiya qilish urinishlariga qarshi.

Hatto respublikachilar ham Amerika prezidentining g‘oyasini bahsli deb bilishadi: so‘ralganlarning 50 foizi Trampning Grenlandiya ustidan nazorat o‘rnatishga urinishlariga qarshi. Demokratik partiya tarafdorlari orasida respondentlarning 94 foizi bu harakatga qarshi chiqishgan.

Donald Tramp milliy xavfsizlik muammolarini aytib, Qo‘shma Shtatlarning Grenlandiyani nazorat qilishdan manfaatdorligini bir necha bor ta’kidlagan.

Bir kun oldin Amerika prezidenti Qo‘shma Shtatlar Grenlandiyani Rossiya va Xitoy ta’siridan himoya qilishini e’lon qildi va Daniyani darhol oroldan «chiqib ketishga» chaqirdi. 14 yanvar kuni Oq uyda Grenlandiya va Daniya tashqi ishlar vazirlari Viviane Motzfeldt va Lars Lokke Rasmussen, AQSh davlat kotibi Marko Rubio va AQSh vise-prezidenti J.D. Vance o‘rtasida yopiq muzokaralar bo‘lib o‘tdi.

Daniya va Grenlandiya vakillar Trampni bu g‘oyadan voz kechishga ko‘ndirishga harakat qilishdi, ammo muzokaralar samarasiz bo‘lib chiqdi. Bunga javoban bir nechta Yevropa mamlakatlari o‘z qo‘shinlarini Grenlandiyaga harbiy mashqlarda ishtirok etish uchun yuborishlarini e’lon qilishdi. Unda Qo‘shma Shtatlar ishtirok etmaydi.