Andijonda ishchi o‘z ishxonasini o‘mardi

Joriy yilning 4 yanvar kuni yarim tunda noma’lum shaxs tomonidan Andijon viloyatining Jalaquduq tumanida joylashgan oshxonalarning biridan 15 mln. so‘m pul va videokuzatuv moslamasining xotirasi o‘g‘irlab ketilgan.

Ichki ishlar xodimlari tomonidan olib borilgan tezkor chora-tadbirlar natijasida ushbu jinoyatni mazkur oshxona ishchisi 1993 yilda tug‘ilgan D. YU. sodir etganligi aniqlandi.

Hozirda ushbu holat yuzasidan jinoyat ishi qo‘zg‘atilib, tergov harakatlari olib borilmoqda.