Andijon ulgurji bozorida yong‘in sodir bo‘ldi

17 noyabr oqshomida Andijon tumanidagi ulgurji oziq-ovqat bozorida yong‘in sodir bo‘ldi.

Andijon viloyati favqulodda vaziyatlar boshqarmasining xabar berishicha, hodisadan bozor ichidagi 20ta do‘kon ziyon ko‘rgan.

Ma’lum qliinishicha, yong‘in soat 21:50da boshlangan. O‘tni o‘chirish uchun 15ta yong‘in o‘chirish ekipaji jalb qilingan. Soat 22:30da yong‘in o‘chirilgan.

«Tabiiy ofat paytida insonlar orasida halok bo‘lganlar va jarohat olganlar yo‘q. Qutqaruvchilarning tezkor harakatlari tufayli bir necha yuz kvadrat metr maydon yong‘indan saqlab qolindi», – deyiladi FVB axborotida.