Twitter ijtimoiy tarmog‘i ma’muriyati amaldagi prezident Donald Trampning fikridan qat’i nazar, inaugurasiya kuni AQSh prezidentining @POTUS rasmiy akkauntini Jo Baydenga beradi. Bu haqda The New York Post xabar bermoqda.
“Twitter 2021 yil 20 yanvardagi Oq uyning institusional akkauntlari o‘tkazilishiga faol tayyorlanmoqda”, – deb ma’lum qildi ijtimoiy tarmoq vakili.
@VP (vise-prezident), @FLOTUS (AQShning birinchi xonimi), @whitehouse (Oq uy) kabi hukumat akkauntlari ham Bayden ma’muriyatiga o‘tadi.
Tramp ma’muriyatining mavjud xabarlari AQSh arxivlash va hujjatlashtirish milliy boshqarmasi tomonidan arxivlanadi.
