Moskvadagi Pyatyorochka supermarketida antiqa firibgarlik sodir bo‘ldi. Bu haqda 360 kanali xabar tarqatdi.
Videoda ko‘rish mumkinki, ayol allaqanday yolg‘onlarni aytib, hamyonidan sotuvchiga pul uzatadi. Keyin o‘sha pullarni qaytib oladi. Keyin nimadir bo‘ladi-yu, sotuvchi yigit kassadan bir pachka pul chiqarib, ayolga beradi. Ayol esa supermarketdan chiqib ketadi.
Qizig‘i, sotuvchi yigit bu voqeani eslay olmaydi. Yo‘qotilgan 15-17 ming rubl mablag‘ni esa maoshidan to‘lashga majbur bo‘ladi.
Ayni damda sotuvchi polisiyaga shikoyat xati yozgan. Qidiruv ishlari boshlangan.