Alisher Qodirov farzandini ayiq qafasiga tashlagan onani la’natlash kerak emasligini aytdi.
"Bugun hamma farzandini ayiq oldiga tashlash darajasiga yetib borgan ayolni la’natlamoqda.
Buni qo‘llab quvvatlamayman!
Ayol zaifadir. Zaifalik inqirozda yaqqol bilinadi. Shirin farzandiga buni ravo ko‘rish uchun ayol o‘zidan ham voz kechib bo‘lgan, aslida.
Ayollar huquqini himoya qilishda ilg‘orlar bu ayolni oldida bo‘lishi kerak.
Holatning asosiy sababchisi - Rossiyadagi ota ham javobgar bo‘lishi lozim.
Ko‘p hollarda ayollarning xor bo‘lishi zaif erkaklardandir.
Qonunchilikda otaning farzandiga mutlaq javobgarligini belgilab qo‘yish vaqti keldi", deb yozdi u telegramdagi sahifasida.
