Украина Президенти Владимир Зеленский ва Россия Президенти Владимир Путин тинчлик келишувининг энг мураккаб масалаларини ҳал қилиш учун юзма-юз учрашув ўтказиши режалаштирилган.
Ташқи ишлар вазири Андрей Сибига Reuters агентлигига берган интервьюсида шундай деди.
Вазирнинг сўзларига кўра, томонлар томонидан муҳокама қилинаётган 20 банддан иборат тинчлик режасидан фақат "бир нечта" масалалар ҳал қилинмаган. Унинг таъкидлашича, булар "раҳбарият даражасида ҳал қилиниши керак бўлган энг нозик ва мураккаб масалалар".
Сибиганинг тушунтиришича, Украина Америка томони ўз эътиборини ички сиёсатга, хусусан, ноябрь ойида бўлиб ўтадиган оралиқ Конгресс сайловлари кампаниясига қаратмасдан олдин музокаралар жараёнини тезлаштириш ниятида.
"Бизда туртки бор, бу тўғри. Биз бу тинчлик саъй-ҳаракатларини бирлаштиришимиз ёки сафарбар қилишимиз керак ва биз уларни тезлаштиришга тайёрмиз", деб таъкидлади Сибига.
Унинг қўшимча қилишича, бу жуда муҳим, чунки Россия ва Украина ўртасидаги "урушни фақат Трамп тўхтата олади".
Вазирнинг қўшимча қилишича, Қўшма Штатлар Конгрессда Украина учун хавфсизлик кафолатларини ратификация қилишга тайёрлигини тасдиқлаган. Сйбига бу НАТОнинг 5-моддасига ўхшаш механизм бўлиши керак, деб ҳисоблайди.
"Шахсан мен америкаликларсиз бирон бир инфратузилма ёки хавфсизлик архитектурасига ишонмайман... Биз уларни ёнимизда бўлишимиз керак - ва улар аллақачон бу жараёнда иштирок этмоқдалар. Бу улкан ютуқ", деб хулоса қилди украиналик вазир.
Қорақалпоғистондаги “Борсакелмас” қўриқхонаси фотоқопқонига қорақулоқ муҳрланди
"Шайтон трусик": Инстаграмда ички кийимларини беҳаё реклама қилдирган тадбиркорнинг иши судга оширилди
Starlinkнинг ўчирилиши фронтдаги вазиятни ўзгартирди
