Зеленский ва Эрдоған Эрон атрофидаги вазиятни муҳокама қилди

Украина ва Туркия президентлари Владимир Зеленский ва Ражаб Тоййиб Эрдоған телефон орқали Эрон атрофидаги вазиятни, шунингдек, Киевни ҳаво ҳужумидан мудофаа ва энергетика соҳаларида қўллаб-қувватлашни муҳокама қилишди.

Зеленский бу ҳақда ўзининг Телеграм-каналида маълум қилди.

"Биз Туркия президенти Ражаб Тоййиб Эрдоған билан Эрон атрофидаги вазиятни муҳокама қилдик. Биз урушнинг авж олишига йўл қўймаслик ва одамлар ҳаётини ҳимоя қилиш учун тажрибамиз билан ўртоқлашишга тайёрмиз, аммо шу билан бирга Украина ҳаво ҳужумидан мудофаа тизимини мустаҳкамлаши керак ва биз шерикларимиздан тегишли ёрдамга умид қиламиз", деб ёзган у.

Эрдоған Туркия уч томонлама музокараларнинг кейинги босқичига мезбонлик қилишга тайёрлигини эълон қилди.

"Мен Президент Эрдоғанга Украина суверенитети ва ҳудудий яхлитлигини қўллаб-қувватлагани, Туркиянинг "Истаклар коалицияси" доирасида денгиз хавфсизлигини таъминлашда роль ўйнашга тайёрлиги ва Украина энергетика секторини қўллаб-қувватлаш бўйича келажакдаги қарорлари учун миннатдорчилик билдираман", деб қўшимча қилди Зеленский.