Украина Россияга энергетика соҳасида сулҳ тузиш таклифини тақдим этди.
UNIAN портали хабар беришича, Украина президенти Владимир Зеленский бу ҳақда кечки нутқида маълум қилди.
"Агар Россия Украина энергетика секторига ҳужумларни тўхтатса, биз ҳам шунга ўхшаш жавоб қайтарамиз. Россия томони америкаликлар орқали бундай таклиф билан чиқди", деб таъкидлади Украина раҳбари.
Зеленский шунингдек, Киев Москвага Пасха байрамлари учун бир неча бор сулҳ тузишни таклиф қилганини, аммо Россия раҳбарияти рад этганини эслатди.