Зеленский Трамп билан телефон орқали суҳбатлашганини маълум қилди

Украина Президенти Владимир Зеленский АҚШ Президенти Дональд Трамп билан телефон орқали суҳбатлашди.

Зеленский бу ҳақда ўзининг Телеграм-каналида эълон қилди.

"Мен Президент Трампни ва барча америкаликларни Мустақиллик куни билан табрикладим. Жуда яхши телефон орқали суҳбат бўлди", деб ёзган у.

Зеленский Вашингтонга Javelin ва Patriot ракеталаридан тортиб, сиёсий қўллаб-қувватлашгача бўлган барча ёрдами учун миннатдорчилик билдирди: "Биз Американинг мустақиллигимизни ҳимоя қилишдаги қўллаб-қувватлашини жуда қадрлаймиз. Мен Украина келажаги ҳақида қайғурадиган барча америкаликларга миннатдорман..."

Шунингдек, у Трамп билан фронт чизиғидаги ҳозирги вазият ва Россия-Украина можаросини ҳал қилиш бўйича дипломатик жараённи муҳокама қилганини айтди.

"Бу урушни тугатишнинг ҳақиқий истиқболи бор ва Американинг қатъияти ҳал қилувчи бўлади. Биз суҳбатни Анқарада бўлиб ўтадиган НАТО саммити давомида шахсан давом эттиришга келишиб олдик", деб таъкидлади Украина раҳбари.