Украина Россиянинг Донбассдан ўз қўшинларини олиб чиқиш ҳақидаги чақириғини рад этди. Бу ҳақда мамлакат президенти Владимир Зеленский маълум қилди, дея хабар беради «Новости Live».
«Россия муроса таклиф қилди: биз ўз ҳудудимиздан, ҳозирда назорат қилаётган ҳудуддан чиқиб кетишимиз лозим», деди Зеленский.
Унинг қўшимча қилишича, Киев Россиянинг Украина ўзиники деб ҳисоблаган ҳудудлардан чиқиб кетишини ва репарация тўловларини асосий муроса деб билади.
Аввалроқ Россия президенти Владимир Путиннинг матбуот котиби Дмитрий Песков Зеленский Украина қуролли кучларини Донбассдан «бугундан бошлаб» олиб чиқиш тўғрисида қарор қабул қилиши кераклигини айтган эди. Унинг аниқлик киритишича, бу кўплаб одамларнинг ҳаётини сақлаб қолиши ва можаронинг қизғин босқичига чек қўйишга ёрдам бериши мумкин.
Донбасс ҳудудидан Украина қўшинларини олиб чиқиб кетилиши Россиянинг асосий талаби бўлиб қолмоқда. Украина раҳбарияти эса халқ розилигисиз бундай қарорлар чиқарилмаслигини маълум қилган.
Европа Украинадан воз кечиб, Россия билан ҳамкорлик қилишга ҳаракат қилмоқда
Эрон: "Ислом инқилоби қўриқчилари корпуси тажовузкор АҚШнинг USS Abraham Lincoln авиаташувчи кемасига зарба берди"
Ҳормуз бўғозида Америка қирувчи самолёти уриб туширилди
