Украина президенти Владимир Зеленский Киев Россия ҳудудларига зарба беришда Ғарб қуролларидан фойдаланмаслигини айтди. Бу ҳақда у CNN телеканалига берган интервьюсида маълум қилди.
«Мен кўп марта айтганман, бизни Россия ерлари қизиқтирмайди», деди сиёсатчи. Бундан ташқари, Украина раҳбари яна Москва билан музокараларни имконсиз деб атади. Зеленский россиялик ҳамкасби Владимир Путинга ишончи йўқлигини, чунки у ўз сўзида турмаганини таъкидлади.
Украина раҳбари можаро давом этса, учинчи жаҳон уруши бошланишини қайд этди. Унинг фикрича, дипломатик ечим Россия ўз қўшинларини олиб чиққандагина мумкин.