Украина президенти Владимир Зеленскийнинг сўзларига кўра, Россия қўшинлари 21 августга ўтар кечаси амалга оширган кенг кўламли ҳужум вақтида АҚШга тегишли компанияни нишонга олди.
«Мукачевода россияликлар Американинг электротехника ишлаб чиқарувчи заводини йўқ қилди. Бу ерда фақат маиший техника – масалан, қаҳвақайнатгичлар ишлаб чиқариларди. Ҳеч қандай ҳарбий буюм йўқ. Россияликлар қаерга ураётганини яхши билишган ва бу аниқ АҚШ инвестицияларига қаратилган зарба», – деди Зеленский.
Мукачеводаги Flex электроника заводига берилган зарба оқибатида кучли ёнғин келиб чиққан. Ҳужум натижасида 23 киши жароҳат олди, улардан 6 нафари шифохонага ётқизилган. Ҳодиса ортидан тахминан 2500 киши ишсиз қолди.
Закарпатский вилояти маъмурияти заводни стратегик аҳамиятга эга объект деб атади ва уни бошқа ҳудудга кўчириш имкониятларини муҳокама қилмоқда.
Украина ҳукуматининг маълумотларига кўра, Россия бу ҳужумда жами 574 дрон ва 40 та ракета қўллаган.
Қишлоқ хўжалиги вазири қўлга олинди
Афғонистон дунё давлатларига мурожаат қилди
77 марта қоидабузарлик қилган Шухрат Мусаевнинг «Lacetti»си топилди
