Украина Россиядан 12 майдан бошлаб “тўлиқ, узоқ муддатли ва ишончли” ўт очишни тўхтатишга рози бўлишини кутмоқда. Шунда Киев Москва билан музокаралар учун учрашишга тайёр, деб ёзди Украина президенти Владимир Зеленский ўзининг Телеграм-каналида.
"Руслар ниҳоят урушни тугатиш ҳақида ўйлаётгани яхши белгидир. Дунёдаги ҳамма буни узоқ вақтдан бери кутмоқда. Ва ҳар қандай урушни ҳақиқатдан ҳам тугатишнинг биринчи қадами - бу ўт очишни тўхтатишдир ", деди у.
Украина ва унинг Европадаги иттифоқчилари Россияни 30 кунлик оташкесимга чақирмоқда. Россия президенти Владимир Путин Киевга янги, “ҳақиқий сулҳ” бўйича келишувга эришиш имкониятини инкор этмасдан, тўғридан-тўғри тинчлик музокараларига қайтишни таклиф қилди.
15 май куни Истанбулда музокаралар “тарихий истиқболда узоқ муддатли ва мустаҳкам тинчлик ўрнатиш” мақсадида “олдиндан ҳеч қандай шартларсиз” давом эттирилиши мумкин”, деди Путин.
Ортиқхўжаев янги лавозимда иш бошлагани айтилмоқда
Россия С-300/400 макетлари билан дунё кўзини алдамоқда!
Украина Ўзбекистонга санкция жорий қилди. Учта компания ва бир фуқаро “қора рўйхат”да
