Украина Президенти Владимир Зеленский Россия Президенти Владимир Путин билан шу ҳафта учрашишни таклиф қилганини маълум қилди.
Зеленскийнинг сўзларига кўра, кенг кўламли урушга чек қўйиш мақсадида бундай учрашув 15–17 июнь кунлари Францияда бўлиб ўтаётган G7 (Катта еттилик) саммити доирасида амалга ошиши мумкин эди, бироқ Россия Президенти музокараларга тайёр эмас.
«Путинга G7 саммити доирасида учрашишга тайёр эканимиз ҳақида хабар йўлладик. Чунки у ерда Трамп ва Макрон ҳам бўлади, яъни ҳам Европа, ҳам АҚШ вакиллари иштирок этади. Менинг фикримча, бу барчамиз бир жойга тўпланиб, учрашишимиз учун жуда яхши имкониятдир», — деди Зеленский.
Украина Президентининг қўшимча қилишича, Европа ва АҚШ ушбу ташаббусни қўллаб-қувватлаган, Россия эса яна бир бор музокараларга тайёр эмаслигини кўрсатган.
Эслатиб ўтамиз, Владимир Зеленский 4 июнь куни Кремль раҳбарига очиқ хат йўллаб, узоқ муддатли тинчликка эришиш бўйича келишувларни қўлга киритиш мақсадида учинчи давлатда учрашув ўтказишни таклиф қилган эди.
Сўнгги 140 йилдаги энг кучли Эл-Нино ҳодисаси яқинлашмоқда. Бу бутун дунёдаги об-ҳавога таъсир қилиши мумкин
АҚШда ҳам тўй қилаётганлар ақлдан озмоқда
КХДР АҚШнинг ядровий қуролдан воз кечиш чақириғига жавоб берди
