Киевда деярли тўлиқ блэкаут кузатилган бир пайтда Украина президенти Владимир Зеленский ҳукуматдан бир кун ичида мумкин бўлган ечимларни таклиф қилишни талаб қилди.
«Энг аввало, электр энергияси импортини ошириш ва захира таъминотининг барча имкониятлари бўйича», — деди давлат раҳбари ўзининг кечки видеомурожаатида.
Зеленскийнинг сўзларига кўра, у мудофаа вазири Михаил Фёдоров ва Ҳарбий-ҳаво кучлари қўмондони Анатолий Кривоножко билан энергетика объектларини Россия зарбаларидан ҳимоя қилиш масаласи юзасидан йиғилиш ўтказган.
«Бугун яна Харковга, муҳим инфратузилма объектларига кучли ракета зарбалари берилди. Бугун эрталаб ва кечқурун дронлар Киев томон учди», — деди Зеленский.
Россия билан чегарадош ҳудудларда, шунингдек Днепропетровск ва Одесса вилоятларида ҳам вазият оғирлигича қолмоқда. Зеленский ҳаво мудофааси тизимини кучайтириш мақсадида иттифоқчилар билан янги музокаралар ўтказилишини маълум қилди.
📌 Ўтган йил кузидан бери Россия армияси Украина энергетика объектларига ҳужумларни кучайтирган. «Укрэнерго» маълумотларига кўра, Украина танқисликни қоплаш учун қўшни Европа Иттифоқи давлатлари — Польша, Руминия, Словакия ва Венгриядан 2450 мегаваттгача электр энергиясини импорт қилиш имкониятига эга.
Афғонистон тезкор тарзда ўз армиясини кучайтиришга қарор қилди
"Орешник" зарбаси Ғарб учун сигнал бўлди
АҚШ Мадурога қарши операция давомида номаълум махфий қуролдан фойдаланган
