"Ювентус" "Реал"нинг қимматбаҳо футболчисини ижарага олмоқчи

Мадриднинг "Реал" клуби ярим ҳимоячиси Эдуардо Камавинга "Ювентус"нинг трансфер нишонига айланди.

Турин клуби аллақачон франциялик футболчи борасида сўров юборди. Миш-мишларга кўра, Камавинга доимий ўйин амалиётига эга бўлиш учун жамоасини ўзгартиришга тайёр. La Gazzetta dello Sport маълумотларига кўра, "кекса синьора" ярим ҳимоячини кейинчалик сотиб олиш ҳуқуқи билан ижарага олиш имкониятини кўриб чиқмоқда.

Transfermarkt баҳосига кўра, Эдуардо Камавинганинг трансфер қиймати 50 миллион еврони ташкил этади. 23 ёшли футболчининг "қироллик" клуби билан тузган шартномаси 2029 йилгача мўлжалланган. Ўтган мавсумда у Мадрид жамоаси сафида 43 та ўйин ўтказиб, 2 та гол ва 1 та ассист қайд этди.