Тошкент шаҳрининг Юнусобод туманида шу йил 27 октябрь кунига ўтар кечаси номаълум шахс “Мирҳайдар Ота” хусусий савдо дўкони эшиги ойнасини синдириб кириб, у ердан 4 млн. сўм пулини ўғирлаб кетган. Ҳолат юзасидан жиноят иши қўзғатилган эди.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармасининг хабар беришича, кўрилган чоралар натижасида ушбу жиноятни М.Улуғбек туманида яшовчи Ё.М. ва И.Х.лар содир этганликлари аниқланиб ушланганлар. Тергов ҳаракатлари давом этмоқда.
