БМТнинг болалар бўйича ташкилоти ЮНИCЭФ берган маълумотга кўра, Яманда ҳар 10 дақиқада бир бола вафот этади. Ташкилот урушдаги барча томонларни болалар хавфсизлигини таъминлашга чақирди.
Буни жума куни тунда Хавфсизлик кенгашининг Ямандаги аҳволга бағишланган йиғилишидан сал олдинроқ ЮНИCЭФ раҳбари Генриетта Фор айтди.
Фор: “Яманда урушни тўхтатишга чақириқлар бўлаётгани яхши. Лекин мамлакат болалари урушни тугашига муҳтож. Ушбу чақириқлар, урушни тўхтатиш учун бошланган янги музокаралар яманлик болаларга уруш бир кун эмас бир куни тугаши умидини беради”, деган.
У сўзи давомида: “Шу билан бирга уруш давом этмоқда. Болалар бу уруш азобини кўтармоқдалар. 3 йилдан ошиқ вақтдан бери давом этиб келаётган урушнинг барча қийинчиликларига сабр қилмоқдалар. Уруш сабабидан 6 мингдан кам бўлмаган киши ўлдирилди ва 11 миллиондан ортиқ киши гуманитар ёрдамларга таяниб ҳаёт кечирадиган бўлди”, деди.
ЮНИCЭФ раҳбари: “Ҳар 10 дақиқада бир бола, қутқариш имконияти бўлатуриб, вафот этяпти”, деб айтди.
Manba: azon.uz
Шойгу уруш тугайдиган “аниқ ва шубҳасиз” санани маълум қилди
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
