Маҳоратли актриса Юлдуз Ражабова «Тарафлар» лойиҳасига берган интервьюсида ўзининг ички кечинмалари ва энг оғир дамларда унга куч берган мотивация ҳақида гапириб берди. Актрисанинг самимий иқрори ижтимоий тармоқларда катта акс-садо бермоқда.
Юлдуз Ражабованинг таъкидлашича, ҳаётидаги энг мураккаб паллаларда биргина жумла унинг дунёқарашини ўзгартириб юборган:
«Ҳаётда бунданам оғир бўлади. Ҳамма нарсага тайёр тур, — деган гап мени қандай қилиб оёққа турғизганини билмайсиз», — дейди актриса.
Бу оддий кўринган, аммо замирида улкан ҳақиқат ётган сўзлар актрисани иродасини тоблашга ва синовларга тик боқишга ўргатган.
Актриса суҳбат давомида нафақат ўз муаммолари, балки атрофдагиларга меҳр кўрсатиш нақадар муҳимлигига ҳам тўхталиб ўтди: — Ҳар бир инсоннинг ҳаётида ўзига яраша муаммоси, оғир дарди бор. Бугун ёрдамга муҳтож қалблар жуда кўп. Сизнинг биргина табассумингиз ёки «кел, мен сенга ёрдам бераман» деган далда берувчи сўзингиз ўша инсонни йиқилган жойидан турғизиши, уни қайта тирилтириши мумкин.
Юлдуз Ражабованинг ушбу фалсафий ва таъсирли фикрлари мухлислар томонидан илиқ кутиб олинди. Фойдаланувчилар ижтимоий тармоқларда актрисанинг фидокорлиги ва маънавий бойлигига тан бериб, инсонийлик ва меҳр-оқибат ҳақидаги сўзларини юқори баҳолашмоқда.
Ўзбекистон миллий терма жамоасининг март ойидаги йиғинини жароҳат сабаб 8 нафар футболчи ўтказиб юборади
1 апрелдан уй ва машина сотиб олишда янги тартиб қандай бўлади?
Тошкентда ўзига нисбатан шилқимликка қаршилик кўрсатган қиз жаримага тортилди
