Европа Иттифоқининг миграция бўйича комиссари Магнус Бруннернинг сўзларига кўра, сўнгги 10 йил ичида Европага миграция ўсишининг асосий сабабчиси Россия президенти Владимир Путин ҳисобланади.
"Йирик миграция оқимларида доимо Россия президенти Владимир Путин иштирок этади", — деди у.
Бруннер ўз сўзининг исботи сифатида Путин Сурия президенти Башар Асадни мамлакатда 2011 йилда бошланган фуқаролар уруши давомида қўллаб-қувватлаганини айтди. Суриядаги уруш, 2015-2016 йилларда ЕИда миграция инқирозини келтириб чиқарганди. Икки миллиондан ортиқ қочқин Европадан бошпана сўраб мурожаат қилганди.
Бруннернинг фикрича, Путин айбдор бўлган иккинчи миграция оқими - украиналик қочқинлар. "Бунда яна Путин иштирок этди", деди европалик амалдор Россиянинг Украина билан урушини назарда тутиб. Тахминан 4,3 миллион украиналик Европа Иттифоқида вақтинчалик бошпана олди.
"Россия президенти, шунингдек, феврал ойи охирида бошланган Яқин Шарқдаги урушда Эрон ҳукуматини қўллаб-қувватламоқда. Айни пайтда Эрондан ҳеч қандай миграция оқими йўқ, лекин ҳушёр бўлиш керак, чунки вазият ҳар куни ўзгариши мумкин", — дея фикр билдирди еврокомиссар.
Эронда 19 ёшли спортчи дорга осиб қатл этилди
Эрон АҚШнинг F-35га қандай ракета билан зарба берганини кўрсатди
Эрон Трампнинг Ҳормуз бўғозини очиш ҳақидаги ультиматумига жавоб берди
