Aмерикалик қўшиқчи Тейлор Свифт American Music Awardsда йилнинг энг яхши хонандаси деб топилди. Тақдирлаш маросими Лос-Aнжелесда бўлиб ўтди, деб хабар беради CNN.
Свифт, шунингдек, поп жанридаги энг машҳур қўшиқчига айланди ва унинг "Кардиган" қўшиғидаги клипи йилнинг энг яхши клипи деб топилди. Умуман олганда, санъаткор фаолияти давомида 32-марта American Music Awards ҳайкалчаларини олди.
25 ёшли қўшиқчи ва рэпер Дожа Кет (ҳақиқий исми Aмала Ратна Зандиле Дламини) йилнинг энг яхши аёл хонандаси бўлди. Канадалик Жастин Бибер йилнинг энг машҳур эстрада хонандасига айланди.