Луврдаги Миср қадимий буюмлари кутубхонаси хоналаридан бирида 300-400 га яқин китоб сув тошқини оқибатида зарар кўрди.
Бу ҳақда BFMTV телеканали музей маъмурияти ўринбосари Френсис Стейнбокка таяниб хабар бермоқда.
Телеканал маълумотларига кўра, сув тошқини 26 ноябрь куни содир бўлган. Сув остида қолган китобларнинг энг қадимгиси 19-асрга тегишли. "Булар муҳим асарлар, даврий нашрлар, маълумотномалар, археологик журналлар, бироқ биз йўқолиши мумкин бўлган қимматли китоблар ҳақида гапирмаяпмиз", — дея Стейнбок сўзларини келтиради телеканал.
Унинг таъкидлашича, "китоблар очилган ва ҳар бир саҳифадаги намликни тозалаш қоғози ёрдамида олиб ташлаш бўйича пухта ишлар олиб борилмоқда".
Телеканалнинг аниқлик киритишича, ҳодисага гидравлик иситиш тизимидаги сув сизиб чиқиши, клапаннинг тасодифан очилиши сабаб бўлган.
Стейнбок иситиш тизими билан боғлиқ муаммолар бир неча йиллардан бери маълум бўлганини тан олди. Унинг сўзларига кўра, сув босган зал 2026 йил сентябрь ойида бошланадиган вентиляция ва иситиш тизимларини реконструкция қилиш режалаштирилган бинолар рўйхатига киритилган.
Келаётган ҳафта Ўзбекистонда совуқ ҳаво кутилмоқда
Россия Сибир дарёлари сувини Марказий Осиё билан бўлишмайди — олимлар фикри
Муҳаммад Салоҳ жазоланадиган бўлди
