Яқин 30 кун ичида Венесуэлада янги сайловлар ўтказилмайди — Доналд Трамп

АҚШ президентининг бошқа баёнотлари:

◾️ Биз Венесуэла билан уруш олиб бормаяпмиз. Биз гиёҳванд моддалар сотаётган одамлар билан уруш олиб боряпмиз. Биз ўз маҳбусларини, гиёҳвандларини ва психиатрия клиникаларидаги беморларини мамлакатимизга юбораётган одамлар билан уруш олиб боряпмиз;

◾️ Делси Родригес америкалик расмийлар билан ҳамкорлик қилмоқда, бироқ Николас Мадурони қўлга олишимиздан олдин у билан ҳеч қандай дастлабки музокаралар бўлмаган. Родригесга нисбатан санкциялар яқин вақт ичида бекор қилиниши ёки ўз кучида қолиши мумкин;

◾️ АҚШ Венесуэланинг энергетика инфратузилмасини тиклаш бўйича нефт компаниялари саъй-ҳаракатларини субсидия қилиши мумкин. Лойиҳа 18 ойдан кам вақт олиши мумкин. Биз буни янада тезроқ қила оламиз. Бунинг учун жуда катта маблағ сарфлашга тўғри келади: нефт компаниялари бу маблағни сарфлайди, кейин эса биз уларнинг харажатларини қоплаймиз ёки олинадиган даромадлар ҳисобидан компенсация қиламиз;

◾️ Мачадонинг Нобел мукофотини олгани унинг Венесуэла раҳбари бўлмаслиги ҳақидаги қароримга ҳеч қандай таъсир кўрсатмади. Аммо у бу микофотни олмаслиги керак эди.