Японияда император оиласининг энг кекса аъзоси, малика Юрико Микаса Токио шифохонасига ётқизилди. Шифокорлар унга «юрак бўлмаси фибрилляцияси» ташхисини қўйишди. Бу ҳақда император саройи маъмуриятига асосланиб Kyodo хабар берди.
ОAВ маълумотларига кўра, 97 ёшли Юриконинг аҳволи оғир деб баҳоланмаяпти. У бир ҳафта шифокорлар назоратида бўлиши айтилмоқда.
Қайд этилишича, малика ўтган йили кузда ҳам шифохонага тушганди. Ўшанда унга пневмония ва юрак етишмовчилиги ташхиси қўйилган. Икки ҳафтадан сўнг император оиласи аъзоси шифохонадан чиққан.
Эслатиб ўтамиз, Юрико Микаса Япониянинг фахрий императори Aкихитонинг аммаси ва мамлакатнинг амалдаги императори Нарухитонинг амма-бувиси ҳисобланади.
Шойгу уруш тугайдиган “аниқ ва шубҳасиз” санани маълум қилди
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
Аriston компанияси миллийлаштирилгач, Россия элчиси Италия ТИВга чақиртирилди
