Токио полицияси камида 4 йил давомида ўзининг ўлик туғилган фаарзандини темир йўл станциясидаги сақлаш камераси ячейкасида яширган ва ячейка ижараси учун мунтазам равишда пул тўлаб келган аёлни ҳибсга олди. Бу ҳақда NHK телеканали маълум қилди.
Таъкидланишича, фарзандини яширган 49 ёшли Эми Сусаки ўзи полицияга бориб, бу ҳақда сўзлаб берган. Аёлнинг айтишича, у фарзандини 4-5 йил аввал уйида дунёга келтирган. Аёл туғилган гўдагида тириклик аломатларини сезмагач, саросимага тушиб, уни Токионинг Тайто туманидаги Угуисудани станциясида жойлашган сақлаш камерасига яширишга қарор қилган. Полиция аёлнинг кўрсатмаларига асосланиб, станциядаги ячейкаларни текшириб чиққан ва улардан бирида целлофан пакетга ўралган гўдак жасадини аниқлаган.
Таъкидланишича, полиция тафсилотларни ўрнатиш учун аёлни сўроқ қилган.
Японияда барча станциялар ёнида кўплаб сақлаш камералари мавжуд бўлиб, уларнинг бир кунлик ижараси нархи 2 доллардан 5 долларгачани ташкил қилади.
Manba: 7news.uz
