Янги Тошкентда мусиқали фаввора мажмуаси қурилади

Президент Шавкат Мирзиёев Янги Тошкент шаҳрида барпо этиладиган мусиқали фаввора мажмуаси лойиҳаси билан танишди.

Лойиҳага кўра, замонавий фаввора мажмуаси мусиқа ва ёруғлик уйғунлиги асосида ишлайдиган бўлиб, аҳоли ва сайёҳлар учун дам олиш масканига айланиши кутилмоқда. У ерда кечки шоу дастурлар, интерактив сув иншоотлари ҳамда замонавий ёритиш тизимлари жорий этилади.

Мажмуа Янги Тошкентнинг архитектуравий қиёфасини бойитиш, шаҳарнинг жозибадорлигини ошириш ва аҳоли учун янги маданий ҳордиқ ҳудудини яратишга хизмат қилади.