Яман ҳукумат кучлари Баб ал-Мандеб бўғози ва Перим оролини тўлиқ эгаллаб олди, Жанубий Гигантлар бригадаси эса Дҳубоб ҳудудида ҳусийлар билан тўқнашди ва уларнинг бир нечтасини қўлга олди.
Бу ҳақда Al Arabiya English ҳарбий манбаларга таяниб хабар бермоқда.
Хабарга кўра, Жанубий Гигантлар бригадаси Дҳубоб ҳудудида ҳусий жангариларининг қўлга олинишини акс эттирувчи фотосуратлар ва видеоларни эълон қилди.
Яман манбаларига кўра, пайшанба куни кечқурун ҳусийлар Дҳубобда қамал қилинган жангчиларига ҳудуддаги позицияларини мустаҳкамлаш учун денгиз орқали қўшимча кучлар юбордилар.
Манбалар шунингдек, кечаси ҳусийлар Баб ал-Мандеб бўғозига ракета ҳужумлари ва дрон ҳужумларини кучайтирганликларини хабар қилишди. Бўғоз ҳудудидаги ҳарбий операциялар давом этмоқда.
"Яман тонги" операцияси доирасида тонгдан бери Саада ва Сано вилоятларидаги ҳусийлар позицияларига қарши ҳаво ҳужумлари давом этмоқда. Ҳарбий манбаларга кўра, самолётлар Яманнинг шимолидаги ҳусийларнинг қалъаси ҳисобланган Саада вилоятидаги Китаф ва Ал-Буқа туманларига зарба берган.
Баб эл-Мандеб бўғози халқаро савдо учун стратегик аҳамиятга эга бўлиб, Қизил денгизни Аден кўрфази ва Арабистон денгизи билан боғлайди.
Жиззахда эркак 10 ёшли болани зўрлаб, сўнг ўз жонига қасд қилди
Шахмат терма жамоаси аъзолари ҳибсга олинди
UzAutoMotorsʼни сотиб олишга учта давлатдан харидор чиқди
