"Барселона" ҳужумчиси Ламин Ямал "ПСЖ" форварди Усмон Дембеле 2025 йил якунларига кўра "Олтин тўп"ни қўлга киритганда нималарни ҳис қилгани ҳақидаги саволга жавоб берди.
"Тўғрисини айтсам, яшириб нима қилдим, "Олтин тўп"ни мен қўлга киритаман деб ўйлагандим. Аммо ортга назар ташлаб, Дембеленинг ғолиб бўлгани мен учун жуда фойдали бўлди деб ҳисоблайман. Бу менга шахс сифатида ўсишга ёрдам берганидан ташқари, ўшанда ушбу совринни ютишнинг айни вақти эмас эди деб ўйлайман. Чунки мен ҳали бола эдим ва "Олтин тўп"ни ютиш аслида нимани англатишини тўлиқ баҳолай олмаган бўлардим.
Усмон Дембеле билан муносабатларимиз ажойиб. Мен у билан вақт ўтказганман, кўп гаплашганман, ҳатто яқиндагина у соғлиғимни сўраб, ишларим қандай кетаётгани билан қизиқди. Ўшандан бери [ "Олтин тўп"ни топшириш маросимидан кейин] мен улғайдим, ҳаётимда кўп нарсани ўзгартирдим. Дембеле "Олтин тўп"ни ютганидан жуда хурсандман. Биз Дубайдаги маросимда ҳам бирга эдик ва муносабатларимиз гўзал экани кўриниб турарди. Биз ҳали ҳам мулоқот қилиб турамиз", — дея Ямалнинг сўзларини келтиради Managing Barca нашри.
Эслатиб ўтамиз, 2025 йилги "Олтин тўп" учун овоз бериш натижаларига кўра, Ямал иккинчи ўринни эгаллаган, Усмон Дембеле эса ғалаба қозонган эди.
Ўзбек футболчиларининг ўйиндан кейин қилган иши канадаликларни ҳайратга солди!
АПЛда нархи энг кўп ошган футболчилар маълум қилинди: Ҳусанов ҳам "топ-10"да
Ўзбекистоннинг "ЖЧ-2026"да гуруҳ босқичида чиқиб кетиши башорат қилинди
