Бугун 20 июль, 2019 йил, шанба

O'ZB

Хушхабар! Туркияда Навоийнинг баҳоси 100 минг доллар бўлган қўлёзмаси топилди

Хушхабар! Туркияда Навоийнинг баҳоси 100 минг доллар бўлган қўлёзмаси топилди

Туркиянинг Килис шаҳридаги тинтув вақтида Алишер Навоийнинг 100 минг долларга баҳоланиши тахмин қилинаётган қўлёзмаси топилди15-асрга тааллуқли қўлёзма Алишер Навоий ғазаллари асосида тартиб берилган девондир.

Килис шаҳри прокуратураси кўрсатмасига асосан тарихий асарларни ўғирловчи, яширинча сақловчи шахсларга қарши махсус операция ўтказилган.

Навоий қўлёзмаси Килис шаҳри марказида яшовчи Т.А. исмли кишининг уйидаги тинтувда топилган.

Қўлёзма 378 саҳифадан иборат бўлиб, 100 минг долларга баҳоланиши кутилмоқда.

Исми очиқланмаган Т.А.ни сўроқ қилиш учун Тергов қўмитасига олиб боришган.

Туркиянинг «Hurriyet» газетаси Навоий туркий тилда илк бор «Хамса» ёзгани, туркий тилнинг форс тилидан устунлигини исботловчи «Муҳокаматул-луғатайн» асарини ёзганини қайд этаркан, Навоийни Маҳмуд Кошғарийдан кейин турк тилига энг кўп хизмат қилган киши деб эътироф этган.

Киритилди: 12:00 15.06.2019. Ўқилди: 2355 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади, ва телефон ракамни тасдиклаш керак булади!