Хоразмда Хитой университети филиали ташкил этилади

Хоразм вилоятида Ляонинг педагогика университетининг Ўзбекистондаги филиали ташкил этилади.

Таълим жараёни 2026/2027 ўқув йилидан бошланади.

Таълим ўзбек, хитой ёки инглиз тилларида олиб борилади.

Ўқиш кундузги ва муқобил таълим шаклларида ташкил этилади.

2030/2031 ўқув йилига қадар ўқишга қабул қилинган талабалар ўқишнинг бутун даври давомида тўлиқ давлат гранти асосида ўқитилади.

2030/2031 ўқув йилидан бошлаб қабул параметрларининг 30 фоизи давлат гранти асосида шакллантирилади.

Бу тўғрисида "Ўзбекистонда Хитой Халқ Республикасининг Ляонинг педагогика университети филиалини ташкил этиш тўғрисида”ги Президент қарори (ПҚ–359-сон, 02.10.2026 й.) қабул қилинди.