Сўнгги пайтларда хонандалар оиласи — Дилсўз ва Фаррух Раимовнинг ўртасида турли келишмовчиликлар юз бераётгани ва улар ҳатто ажрашиши мумкинлиги ҳақида хабарлар тарқалди.
Хонанда Дилсўзнинг ижтимоий тармоқдаги саҳифасида қолдирган қуйидаги пости эса хабарларда қисман ҳақиқат борлигини тасдиқлайди.
“Оиламизда 4 фарзанднинг тўлиқ таъминоти, рўзғорни тебратиш, уй учун олинган банк кредитини тўлаш, коммунал тўловлар, ҳамма харажат менинг бўйнимда бўлган ва бундан нолимаганман. Бугунга келиб, 4 фарзандим катта бўлаётгани учун эримга ортиқча пул беришни тўхтатганим учун айбсиз айбдор бўлиб қолдим. Ҳали қонунан ажрашганимиз йўқ, ўртамизда келишмовчилик бўлиб турибди”, — дейди Дилсўз.