Бугун 28 март, 2024 йил, пайшанба

O'ZB

Хитойга кириб келаётган қисқичбақа пакетларида коронавирус топилди

Хитойга кириб келаётган қисқичбақа пакетларида коронавирус топилди

Хитой божхона хизмати ходимлари Эквадордан келтирилган оқ қисқичбақалар солинган пакетларда коронавирус инфекциясини аниқладилар, деб хабар беради РИA Новости. Шуниси эътиборга лойиқки, денгиз маҳсулотларининг ўзида синовлар манфий натижани кўрсатди.

Тадқиқот натижаларини Хитой асосий божхона бошқармасининг импорт қилинадиган маҳсулотлар хавфсизлиги бўлими бошлиғи Би Кехин маълум қилди. Унинг сўзларига кўра, Жанубий Aмерикадан келтирилган оқ қисқичбақалар тўплами ўрганилди. Намуналар 3 июль куни олинган. Қисқичбақа солинган учта пакетда вирус аниқланди. Кейинчалик яна иккита пакет ҳам коронавирус билан зарарлангани тасдиқланди.

Бироқ денгиз маҳсулотининг ўзи ва пакетларнинг ички қисмидан олинган намуналар салбий натижа кўрсатди. Мутахассислар юк ташиладиган контейнерлар инфекцияни юқтириши мумкинлиги ҳақида огоҳлантирмоқда.

Шунингдек, улар бутун дунё бўйлаб ўз маҳсулотларини етказиб берадиган Эквадорнинг учта корхонасида ишлайдиган ходимлар соғлиқни сақлаш талабларига тўлиқ жавоб бермаслигини аниқладилар. Шу муносабат билан, Хитой божхоначилари ушбу компаниялардан Хитойда ишлаш учун берилган лицензияни қайтариб олишга, шунингдек, ўзларининг товарларини мамлакатга олиб киришни вақтинча тақиқлашга қарор қилдилар.

Киритилди: 17:58 12.08.2020. Ўқилди: 2893 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!