Бугун 29 март, 2024 йил, жума

O'ZB

Хитойдаги ёки у ерга бормоқчи бўлган ўзбекистонликлар хавфдан огоҳлантирилди

Хитойдаги ёки у ерга бормоқчи бўлган ўзбекистонликлар хавфдан огоҳлантирилди

Ўзбекистон ТИВ Хитойда тарқалган янги вирус сабабли у ерга бормоқчи бўлган ўзбекистонликларни эҳтиёт бўлишга чақирди. Вазирликнинг Хитой элчихонасига таяниб берган маълумотига кўра, бугунги кунда Хитойнинг Ухан шаҳрида 40 дан ошиқ киши коронавируснинг янги тури билан касалланган, яна 100 га яқин киши тиббий кузатув остида.

Эслатиб ўтамиз, Хитойнинг аҳоли зич жойлашган ушбу шаҳрида пневмониянинг номаълум тури пайдо бўлгани ҳақида декабрь ойи охирларида маълум бўлган эди. 3 январь ҳолатига кўра шаҳарда 44 та вирусли превмония ҳолати аниқланган, 11 нафар бемор оғир аҳволда бўлган. Шунингдек, яна 121 киши шифокорлар назорати остида бўлган. Уларнинг барчаси беморлар билан яқин алоқада бўлган. Кейинчалик касалланган беморлар сони 59 нафарга етган.

9 январь куни лаборатория тадқиқотлари натижасида пневмония тарқалишига илгари номаълум бўлган коронавирус сабаб бўлгани аниқланган. 11 январь куни эса ушбу вирусдан биринчи одам вафот этгани хабар берилган.

Вазирлик хабарида айтилишича, элчихона консуллик бўлими Ухан шаҳрида бўлиб турган Ўзбекистон фуқаролари билан тушунтириш ишлари ўтказди.

Юқоридагилардан келиб чиққан ҳолда ТИВ Консуллик-ҳуқуқий департаменти Хитой, хусусан унинг Хубей провинцияси ва Ухан шаҳрида бўлиб турган ёки бормоқчи бўлган ўзбекистонликларни зарурий эҳтиёт чораларини кўришга чақирган.

Киритилди: 12:50 13.01.2020. Ўқилди: 2947 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!