Хитойда заводда содир бўлган портлаш натижасида 17 киши жароҳат олди. Бу ҳақда маҳаллий ОАВ хабар бермоқда.
Маълум қилинишича, ҳодиса Ляонин провинциясининг Фусинь шаҳридаги сув тозалаш иншоотида юз берган. Портлаш тўлқини яқин атрофда жойлашган бинолардаги ойналарни синдириб юборган.
17 киши енгил жароҳат олиб, касалхонага ётқизилган.
Ҳодиса сабаблари ҳозирда аниқланмоқда. Вайронагарчиликнинг аниқ ҳажми маълум эмас.