Қўшма Штатлар Тайван бўғозидаги тинчлик ва барқарорликнинг "асосий бузғунчиси"га айланди. Бу ҳақда чоршанба куни Хитой Халқ Республикаси Давлат кенгаши аъзоси, ташқи ишлар вазири Ван Ининг АҚШ Конгресси Вакиллар палатаси спикери Ненси Пелосининг Тайванга кутилмаган ташрифи муносабати билан эълон қилинган баёнотида айтилади, деб хабар бермоқда ТАСС.
"Бу яна бир бор АҚШнинг баъзи сиёсатчилари Хитой-АҚШ муносабатларига зарар етказаётганини ва АҚШ Тайван бўғозининг икки томони ўртасидаги тинчлик ва минтақавий барқарорликнинг асосий бузғунчисига айланганини яна бир бор исботлайди” - деди у.