Хитой Россиядан Ҳиндистон рад этган нефтни фаол равишда харид қилмоқда

Хитой Россиядан Ҳиндистон рад этган нефтни фаол равишда харид қилмоқда — Bloomberg.

Агентликнинг танкерларни кузатиш маълумотларига таяниб хабар беришича, феврал ойининг дастлабки 18 кунида Хитой портларига кунига 2,09 миллион баррел миқдордаги Россия хом нефти етказиб берилган. Бу кўрсаткич январда 1,72 миллион ва декабрда 1,39 миллион баррелни ташил қилган. Бу ўсиш Ҳиндистоннинг Россиядан нефт харид қилишни тўхтатиши ортидан юзага келган камайишни тўлиқ қоплаган.

Сўнгги ойлар давомида Ҳиндистонга Россия нефтининг импорти кунига тахминан 1,2 миллион баррелни ташкил қилмоқда. Бу 2025 йил июн ойидаги энг юқори кўрсатгичига нисбатан 40 фоиз камроқ.

Қайд этилишича, қайта йўналтириш Россия нефтининг барча навларига таъсир қилган. Ҳозирда Хитойга Болтиқ ва Қора денгиз портларидан Urals юкланган танкерлар юборилиши, шунингдек, Арктикадан етказиб берилаётган нефт ҳажми тобора ортиб бормоқда.

"Хитойнинг нефтни қайта ишлаш заводларига сезиларли чегирмалар туртки берди. Ҳозирда Urals нефтининг Хитойга етказиб берилиши Brent нефт навига нисбатан баррелига 12 доллар чегирма билан сотилмоқда. Айни пайтда Хитой Россия нефтини харид қилиш учун жуда катта имкониятдан фойдаланмоқда, чунки у ҳар қандай ортиқча нефт учун энг сўнгги харидор вазифасини ўтамоқда”, дейилади хабарда.