Хитой қитъалараро баллистик ракеталар сони бўйича АҚШдан ўзиб кетди

Хитой қуруқликдаги қитъалараро баллистик ракеталарни учириш қурилмалари сони бўйича АҚШни ортда қолдирди.

Бу ҳақда The Wall Street Journal АҚШ Қуролли кучлари стратегик қўмондонлиги (СТРАТКОМ) маълумотларига таяниб ёзмоқда.

Газета СТРАТКОМ раҳбарининг Конгресс ҳар икки палатасининг Қуролли кучлар ишлари бўйича қўмиталарига йўллаган мактубидан парчани келтириб ўтади.

Унда айтилишича, ХХРдаги ИCБМ ва мобил ишга туширгичлар сони Қўшма Штатлардаги ИCБМлар учун ишга туширгичлар сонидан кўп.