Хитой Халқ Республикасида ҳозирда умумий ўрнатилган қуввати 113 миллион киловатт бўлган 102 та фаолият юритаётган, қурилаётган ва қуришга тасдиқланган энергия блоклари мавжуд. Бу ҳақда Хитой атом энергетикаси уюшмаси ҳисоботида маълум қилинган. Ҳужжатда алоҳида таъкидланишича, Хитой 18 йил давомида қурилаётган энергия блоклари қуввати бўйича дунёда етакчи ўринни сақлаб келмоқда. Ҳозирда мамлакатда 28 та шундай иншоот қурилаётган бўлиб, уларнинг умумий ўрнатилган қуввати 33 миллион киловаттдан ортиқ бўлади.
