Смартфонлар ва бошқа "ақлли" қурилмалар яратиш борасида тобора мавқейини мустаҳкамлаб бораётган Хитойнинг "Xiaomi" корпорация яқин йилларда автомобиль ишлаб чиқариши мумкин. Бу ҳақда маҳаллий "Donews" нашри хабар бермоқда.
Корпорациядаги бир нечта манбаларнинг таъкидлашича, "Xiaomi" топ-менежерлари автомобиль бозорига кириш имкониятларини ўрганишни бошлаган.
Инсайдерлар эса корпорация ҳали ўз автомобилини яратиш бўйича аниқ режага эга эмаслигини, аммо яқин келажакда лойиҳа ҳақида батафсил маълумот пайдо бўлиши мумкинлигини истисно қилишмаяпти.
Шунингдек, лойиҳани тўғридан-тўғри компания асосчиси Лей Жун назорат қилиши айтилмоқда.
ОАВ вакиллари ушбу янгиликка изоҳ олиш учун "Xiaomi" вакили билан боғланишган ва компания томонидан ушбу сўровга кейинроқ жавоб берилиши айтилган.
"Xiaomi" топ-менежерларига яқин бўлган яна бир манбанинг айтишича, у бундай режалар ҳақида эшитган. Аммо корпорация яқин йилларда автомобиль тақдим этишга қизиқиш билдирмаган. Суҳбатдошнинг таъкидлашича, компаниянинг смартфонлар бозорида улуши катта, шунинг учун ушбу сегментни ривожлантириш вазифаси устувор ҳисобланади. Шу билан бирга, суҳбатдош "Xiaomi"нинг янги бозорга чиқиш имкониятини мавжудлигини таъкидлаган ҳолда, бу 2025 йилгача амалга ошишини айтган.
Инвесторлар Хитой корпорациясининг автомобиль бозорига қизиқиши ҳақидаги янгиликларни юқори баҳоладилар. Гонконг фонд биржасида "Xiaomi"нинг акциялари 6,424 фоизга ўсди.
2020 йил охирида АҚШнинг "Apple" корпорацияси автомобиль бозорига кириши ҳақида миш-мишлар пайдо бўлган эди. Кейинроқ "Hyundai" вa "Nissan“ автомобилсозлик компаниялари ”Apple" билан электромобиль яратиш бўйича музокара олиб боргани ва АҚШ корпорацияси ҳамкорлик қилишдан бош тортгани маълум бўлган эди.
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
Иқтисодий жиҳатдан Молдова фақат Россия билан ҳамкорликда ривожлана олади
