Херсон вилоятида 330 мингдан ортиқ аҳоли электр таъминотисиз қолди

Херсон вилояти губернатори Владимир Сальдонинг маълум қилишича, юқори кучланишли электр узатиш линиясига берилган зарба оқибатида вилоятнинг 450 та аҳоли пунктида 330 мингдан ортиқ аҳоли электр энергиясисиз қолган.

Унинг сўзларига кўра, ўтган тун «душман томонидан энергетика инфратузилмасига берилган хиёнаткор зарба» натижасида «Жанкой — Мелитополь» йўналишидаги юқори кучланишли электр узатиш линияси шикастланган.

Владимир Сальдо таъкидлашича, Қора денгиз минтақавий диспетчерлик бошқармаси (РДУ) мутахассисларининг тезкор ҳаракатлари туфайли соат 02:50 га келиб Херсон вилоятида электр таъминоти захира схемаси орқали тикланган. Айни пайтда барча истеъмолчиларни босқичма-босқич улаш ишлари олиб борилмоқда.