Хегсет: "АҚШ Украинани ҳимоя қилишда ёрдам бериш йўлини топади"

Қўшма Штатлар Украинага ўз ҳудудини ҳимоя қилишда у ёки бу тарзда ёрдам беради.

Бу ҳақда Пентагон котиби Пит Хегсет Сингапурга ташрифи чоғида журналистларга маълум қилган.

"Биз уларнинг (Украина) ўзларини ҳимоя қила олишларини истаймиз ва биз уларга бунда ёрдам бериш йўлини топамиз", деди у.

Аввалроқ Украина раҳбари Владимир Зеленский АҚШ президенти Доналд Трампга Украина Қуролли Кучлари учун ҳаво мудофааси тизимлари ва ракеталарининг етишмаслиги ҳақида хат ёзган эди.

Хегсет янги таъминот бўйича ҳеч қандай ваъда бермади, аммо АҚШ Киевга иложи борича ёрдам бераётганини ва Европа иттифоқчиларининг Украинани қўллаб-қувватлашдаги муҳим ҳиссасини таъкидлади.

"Биз барча турдаги муҳим ўқ-дориларни ишлаб чиқаришга ёндашувимизни ўзгартирмоқдамиз, шунда бизнинг компанияларимиз нафақат бироз кўпроқ, балки бутун дунё бўйлаб сезиларли даражада кўпроқ таъминлайди", деб қўшимча қилди Хегсет.