Х ижтимоий тармоғининг Париждаги офисида тинтув ўтказилмоқда — Париж прокуратураси

Тинтувни Париж прокуратурасининг кибержиноятчиликка қарши кураш бўлими ходимлари кибержандармерия ва Европол билан ҳамкорликда 2025 йил январ ойида очилган тергов доирасида ўтказмоқда, дейилади прокуратура баёнотида.

Тергов франциялик депутатнинг шикоятидан кейин бошланган. Унинг айтишича, Х ижтимоий тармоғидаги алгоритмнинг нохолислиги автоматлаштирилган маълумотларни қайта ишлаш тизими ишига нотўғри таъсир кўрсатган бўлиши мумкин.

Шунингдек, Париж прокуратураси Х ижтимоий тармоғини тарк этаётгани ва кейинги мулоқотни LinkedIn ва Instagram орқали олиб боришини маълум қилди.