Дунёнинг энг йирик энергетика компаниялари, жумладан, Chevron ва Exxon Mobil, Эрондаги уруш ва Ҳурмуз бўғозидаги кема қатнови билан боғлиқ муаммолар туфайли инвестицияларини бошқа минтақаларга кўчирмоқда. Бу ҳақда The Wall Street Journal нашри ёзмоқда.
Нашрнинг аниқлик киритишича, Exxon Mobil Нигерия қирғоқлари яқинидаги чуқур сув ости лойиҳаларига 24 миллиард долларгача сармоя киритишга тайёр.
Chevron эса Венесуэладаги иштирокини кенгайтирмоқда ва жорий йилда бутун дунё бўйлаб денгиз ишланмалари учун аллақачон 7 миллиард доллар ажратди.
Британиянинг BP компанияси Намибия қирғоқларидаги конлардан улуш сотиб олди, Франциянинг TotalEnergies компанияси эса Туркия билан қидирув ишлари бўйича келишувга эришди.
Бундан ташқари, «бешлик»ка кирувчи барча гигантлар Ўрта ер денгизига қизиқиш билдирмоқда, Exxon Mobil эса Греция қирғоқларида қазиб олиш ишларини бошлаш борасида анча илгарилаб кетди.
Wood Mackenzie таҳлилчилари нефть компанияларининг яқин йиллардаги янги лойиҳалардан оладиган потенциал фойдасини 120 миллиард долларга баҳоламоқда.
Лионель Месси Каталония клубини сотиб олди
Италия ОАВлари Макроннинг Жоржа Мелони билан учрашувдаги ҳаракатларини кескин танқид қилди
Эронга қарши урушда АҚШ қанча маблағ зарар кўрганини биласизми?
