Россия етакчиси Владимир Путин Ўзбекистон Президенти Шавкат Мирзиёев билан телефон орқали мулоқот қилди.
Бу ҳақда Кремль матбуот хизмати хабар берди.
“Россия Федерацияси Президенти Владимир Путин телефон орқали мулоқот чоғида Самарқандда бўлиб ўтган ШҲТ саммитини меҳмондўстлиги ва аъло даражада ташкил этгани учун Ўзбекистон Республикаси Президенти Шавкат Мирзиёевга самимий миннатдорлик билдирди”, — дейилади хабарда.
Томонлар икки томонлама кун тартибидаги айрим долзарб масалаларни, жумладан, савдо-иқтисодий соҳани ҳам муҳокама қилдилар.
“Россия-Ўзбекистон стратегик шериклик ва иттифоқчилик муносабатларини янада мустаҳкамлаш бўйича ўзаро ниятлар тасдиқланди”, — дейилади хабарда.
Шойгу уруш тугайдиган “аниқ ва шубҳасиз” санани маълум қилди
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
Марказий Осиё давлатларига ташқи кучлар томонидан босим ўтказилмоқда - Ўзбекистон Президенти ҳузуридаги Хавфсизлик Кенгаши
