Вэнс: "АҚШ-Эрон келишуви бир ҳафта ичида ҳал бўлиши мумкин"

АҚШ ва Эрон ўртасидаги мумкин бўлган келишув бир неча ойдан бир ҳафтагача давом этиши мумкин.

Бу ҳақда АҚШ вице-президенти Жей Ди Вэнс CBS News телеканалига берган интервьюсида маълум қилди.

У келишувга эришиш муддати музокаралар жараёнига боғлиқ ва жуда катта фарқ қилиши мумкинлигини айтди.

"Менимча, келишувга бир ҳафта ичида эришиш мумкин, лекин бир неча ой ичида ҳам эришиш мумкин", деб таъкидлади у.

Вэнс Вашингтон АҚШ учун иқтисодий жиҳатдан фойдали бўлган ва Эрон ядро дастури билан боғлиқ муаммоларни ҳал қиладиган келишувга эришишни кутаётганини қўшимча қилди.

У шунингдек, томонлар келишувга яқинлигини, аммо уни якунлаш учун қўшимча ишлар талаб қилинишини таъкидлади.