Венгрия Зеленскийни “Дружба” нефть қувури бўйича огоҳлантирди

Венгриянинг Асосий ҳуқуқлар маркази таҳлилчиси Золтан Кошкович Украина президенти Владимир Зеленскийни “Дружба” нефть қувурига эҳтимолий ҳужумлардан огоҳлантирди. Бу ҳақда у ўзининг Х (собиқ Twitter) ижтимоий тармоғидаги саҳифасида ёзган.

Кошкович Киевдаги электр таъминотидаги узилишдан сўнг Зеленскийга мурожаат қилган.

“Нимадир менга шундай дейяптики, Венгрия энди бундан ҳам кўпроқ электр энергияси етказиб бериши керак бўлади... “Дружба” билан Зеленский бошқа ҳодисалар бўлиб қолмаслиги учун”, — деб ёзган таҳлилчи.

Маълумот учун, “Дружба” нефть қувури Россиядан Европага нефть етказиб беришдаги энг йирик ва муҳим транспорт йўлакларидан бири бўлиб, унинг тармоқлари орқали Венгрия ҳам ўз нефть таъминотини олади.