Венгрия Украинага газ етказиб беришни тўхтатади

Венгрия Россия нефтининг “Дружба” қувури орқали транзити қайта тикланмагунча Украинага газ етказиб беришни тўхтатади — Венгрия бош вазири.

Виктор Орбаннинг сўзларига кўра, чекловлар босқичма-босқич жорий этилади. Украина расмийлари ҳозирча бу баёнотга изоҳ бермади.

Феврал ойида Будапешт Киевга дизел ёқилғиси етказиб беришни ҳам тўхтатган ва “Дружба” қувури қайта ишга тушгач, уни тиклашга ваъда берган эди. Шунга ўхшаш қарорни қўшни Словакия ҳам эълон қилганди.

“Дружба” қувури орқали Россия нефтининг Венгрия ва Словакияга транзити январ ойида тўхтаганди. Украина раамийларининг таъкидлашича, қувур Россия зарбаси натижасида шикастланган. Аммо Будапешт буни техник муаммо эмас, балки яқинлашаётган парламент сайловлари олдидан “сиёсий босим ўтказишга уриниш” деб ҳисобламоқда.