Венгрия Бош вазири Петер Мадьяр Дунай дарёсидаги сув сатҳининг рекорд даражада пастлиги сабабли "Пакш" атом электр станцияси 44 йил ичида биринчи марта фаолиятини бутунлай тўхтатиб қўйишини эълон қилди.
Венгрия ҳукумати раҳбари бу ҳақда ижтимоий тармоқ саҳифасида маълум қилди.
"Душанба куни энергетика инқирози бошланиши мумкин. Жиддийроқ оқибатларнинг олдини олиш учун мувофиқлаштирилган ҳаракатлар ва хотиржамлик талаб этилади. Биз барчанинг қўллаб-қувватлашига умид қилмоқдамиз", деб ёзган Мадьяр.
Аввалроқ, MTI нашрига берган интервьюсида бош вазир "Пакш" атом электр станцияси пайшанба ёки жума куни ёпилиши мумкинлигини айтган эди.
Унинг сўзларига кўра, Венгрия электр энергияси ишлаб чиқаришининг деярли ярмини таъминлайдиган стансия ҳафта бошидан бери қувватни аста-секин камайтириб келмоқда ва ҳозирда ўз қувватининг 50% дан камроғида ишламоқда.
Кейинчалик, станция оператори кейинги 24-72 соат ичида станциянинг тўлиқ ёпилиши муқаррар эканлигини тасдиқлади.
Таъкидланишича, кондиционерлик туфайли талабнинг ортиши ва ички таъминотнинг камайиши фонида станциянинг ёпилиши Венгриянинг электр энергияси импортига қарамлигини оширади.
Мадярнинг сўзларига кўра, мамлакатнинг импорт қуввати 3600 дан 3800 мегаваттгача, бу унинг ҳисоб-китобларига кўра, "Пакш" атом электр станцияси тўлиқ ёпилган тақдирда электр энергиясига бўлган эҳтиёжни қоплаш учун етарли бўлиши керак.
Озарбайжон Эронга жавоб чораларини кўрди
Россия халқини ҳеч қачон енгиб бўлмайди
Эрон Киевга ҳужум қилиши мумкин
